එත්තාවතා ච අම්හේහි - සම්භතං පුඤ්ඤ සම්පදං,
සබ්බේ දේවා අනුමෝදන්තු - සබ්බ සම්පත්ති සිද්ධියා
.
එත්තාවතා ච අම්හේහි - සම්භතං පුඤ්ඤ සම්පදං,
සබ්බේ සත්තා අනුමෝදන්තු - සබ්බ සම්පත්ති සිද්ධියා.
.
සබ්බේ සත්තා ච භූතා ච හිතා ච අහිතා ච මේ
අනුමෝදිත්වා ඉමං පුඤ්ඤං - පාපුණන්තු සිවං පදං
.
පුරත්ථිමස්මිං දිසාභාගේ - සන්තිභූතා මහිද්ධිකා
තේපි අම්හේනුරක්ඛන්තු - ආරෝග්‍යෙන සුඛෙන ච.
.
දක්ඛිණස්මිං දිසා භාගේ - සන්ති දේවා මහිද්ධිකා,
තේපි අම්හේනුරක්ඛන්තු - ආරොග්‍යෙන සුඛෙන ච.
.
පච්ඡිමස්මිං දිසාභාගේ - සන්ති නාගා මහිද්ධිකා.
තේපි අම්හේනුරක්ඛන්තු - ආරෝග්‍යෙන සුඛෙන ච.
.
උත්තරස්මිං දිසාභාගේ - සන්ති යක්ඛා මහිද්ධිකා.
තේපි අම්හේනුරක්ඛන්තු - ආරෝග්‍යෙන සුඛෙන ච.
.
පුරත්ථිමේන ධතරට්ඨෝ - දක්ඛිණෙන විරූළ්හකෝ,
පච්ඡිමේන විරූපක්ඛෝ - කුවේරෝ උත්තරං දිසං.
.
චත්තාරෝ තේ මහාරාජා - ලෝකපාලා යසස්සිනෝ,
තේපි අම්හේනුරක්ඛන්තු - ආරෝග්‍යෙන සුඛෙන ච.
.
ඉද්ධිමන්තො ච යේ දේවා - වසන්තා ඉධසාසනේ.
තේපි අම්හේනුරක්ඛන්තු - ආරෝග්‍යෙන සුඛෙන ච.
.
වෙණ්හූ ච දේවෝ ඛන්ධෝ - සුමනෝ ච විභීසණෝ,
ගාමාරක්ඛක දේවා ච - අම්හේ රක්ඛන්තු සබ්බදා.