වන්දෙ තණ්හංකරං බුද්ධං -වන්දෙ මෙධංකරං මුනිං

සරණංකරං මුනිං වන්දෙ - වන්දෙ දීපංකරං මුනිං

-

වන්දෙ කොණ්ඩඤ්ඤ සත්ථාරං - වන්දෙ මංගල නායකං

වන්දෙ සුමන සම්බුද්ධං - වන්දෙ රෙවත නායකං

-

වන්දෙ සොභිත සම්බුද්ධං - අනෝමදස්සි මුනිං නමෙ

වන්දෙ පදුම සම්බුද්ධං - වන්දෙ නාරද නායකං

-

පදුමුත්තර මුනිං වන්දෙ - වන්දෙ සුමෙධ නායකං

වන්දෙ සුජාත සම්බුද්ධං - පියදස්සි මුනිං නමෙ

-

අත්ථදස්සි මුනිං වන්දෙ - ධම්මදස්සිං ජිනං නමෙ

වන්දෙ සිද්ධත්ථ සත්ථාරං - වන්දෙ තිස්ස මහාමුනිං

-

වන්දෙ ඵුස්ස මහාවීරං - වන්දෙ විපස්සි නායකං

සිඛී මහාමුනිං වන්දෙ - වන්දෙ වෙස්සභු නායකං

-

කකුසන්දං මුනිං වන්දෙ - වන්දෙ කොණාගම නායකං

කස්සපං සුගතං වන්දෙ - වන්දෙ ගොතම නායකං

-

අට්ඨවීසති මෙ බුද්ධා - නිබ්බානමතදායකා

නමාමි සිරසා නිච්චං - තෙ මං රක්ඛන්තු සබ්බදා