පුනා පරං යදා හෝමි - මච්ඡරාජා මහා සරේ

උණ්හේ සුරිය සන්තාපේ - සරේ උදඛ ඛීයථ

තතෝ කාකාච ගිජ්ඣාච - බකා කුලල සේනකා

භක්ඛයන්ති දිවා රත්තිං - මච්ඡේ උපනිසීදිය

-

එවං චින්තේ සහං තත්ථ - සහඤාතීහි පීළිතෝ

කේන නුඛෝ උපායේන - ඤාති දුක්ඛා පමෝචයේ

-

විචින්තයිතවා ධම්මත්ථං - සච්චං අද්දස පස්සයං

සච්චේ ඨත්වා පමෝචේසිං - ඤාතීනං තං අතික්ඛයං

-

අනුස්සරිත්වා සතං ධම්මං - පරමත්ථං විචින්තයං

අකාසි සච්ච කිරියං යං - ලෝකේ ධුව සස්සතං

-

යතො සරාමි අත්තානං - යතෝ පත්තෝස්මි විඤ්ඤුතං

නාභිජානාමි සංචිච්ච - ඒකපානම්පි හිංසිතං

-

ඒතේන සච්චවජ්ජේන - පජ්ජුන්නෝ අභිවස්සතු

අභිත්ථනය පජ්ජුන්න - නිධිං කාකස්ස නාසය

කාකං සෝකාය රන්ධේහි - මච්ඡේ සෝකා පමෝචය

-

සහමතේ සච්චවරේ - පජ්ජුන්නෝ අභිගජ්ජිය

ථලං නින්නංච පූරෙන්තෝ - ඛණේන අභිවස්සථ

-

ඒවං රූපං සච්චවරං - කත්වා විරියමුත්තමං

වස්සාපේසිං මහාමේඝං - සච්චතේජ බලස්සිතෝ

සච්චේන මේ සමෝ නත්ථි - ඒසා මේ සච්ච පාරමි