1. ජයාසනගතා වීරා - ජෙත්වා මාරං සවාහිණිං

චතුසත්තාමතරසං - යෙ පිවිංසු නරාසභා

-

2. තණ්හංකරාදයො බුද්ධා - අට්ඨ වීසති නායකා

සබ්බේ පතිට්ඨිතා(මය්හං) - මත්ථකෙ තෙ මුනිස්සරා

-

3. සිරෙ පතිට්ඨිතා බුද්ධා - ධම්මොච (මම) ලොචනෙ

සංඝො පතිට්ඨිතා (මය්හං) - උරෙ සබ්බ ගුණාකරො

-

4. හදයෙ අනුරුද්ධො ච - සාරිපුත්තො ච දක්ඛිණෙ

කොණ්ඩඤ්ඤො පිට්ඨිභාගස්මිං - මොග්ගල්ලානොසි වාමකෙ

-

5. දක්ඛිණෙ සවනෙ (මය්හං) - ආහුං ආනන්ද රාහුලා

කස්සපො ච මහානාමො - උභෝසුං වාමසෝතකෙ

-

6. කේසන්තෙ පිට්ඨිභාගස්මිං - සුරියො විය පහංකරො

නිසින්නො සිරිසම්පන්නො - සොභිතො මුනිපුංගවො

-

7. කුමාරකස්සපො නාම - මහෙසී චිත්‍රවාදකො

සො (මය්හං) වදනෙ නිච්චං - පතිට්ඨාසි ගුනාකරො

-

8. පුණ්ණො අංගුලිමාලො ච - උපාලී නන්ද සීවලී

ථෙරා පඤ්ච ඉමෙ ජාතා - ලලාටේ තිලකා (මම)

-

9. සෙසාසීති මහාථෙරා - විජිතා ජිනසාවකා

ජලන්තා සීලතෙජෙන - අංගමංගෙසු සන්ඨිතා

-

10. රතනං පුරතො ආසි - දක්ඛිණෙ මෙත්තසුත්තකං

ධජග්ගං පච්ඡතො ආසි - වාමෙ අංගුලි මාලකං

-

11. ඛන්ධ මොර පරිත්තඤ්ච - ආටානාටිය සුත්තකං

ආකාසච්ඡදනං ආසි - සෙසා පාකාර සණ්ඨිතා

-

12. ජිනානා බල සංයුත්තේ - ධම්ම පාකාරලංකතෙ

වසතො (මෙ) චතු කිච්චේන - සදා සම්බුද්ධ පඤ්ජරෙ

-

13. වාත පිත්තාදි සංජාතා - බාහිරජ්ඣන්තුපද්දවා

අසෙසා විලයං යන්තු - අනන්ත ගුණ තෙජසා

14. ජිනපඤ්ජර මජ්ඣට්ඨං - විහරන්තං මහීතලේ

සදා පාලෙතු (මං) සබ්බේ - තේ මහා පුරිසා සභා

-

15. ඉච්චේවමච්චන්තකතො සුරක්ඛො

ජිනානුභාවෙන ජිතූපපද්දවො

බුද්ධානුභාවෙන හතාරි සංඝො

(චරාමි) සද්ධම්මනුභාව පාලිතො

-

16. ඉච්චේවමච්චන්තකතො සුරක්ඛො

ජිනානුභාවෙන ජිතූපපද්දවො

ධම්මානුභාවෙන හතාරි සංඝො

(චරාමි) සද්ධම්මනුභාව පාලිතො

-

17. ඉච්චේවමච්චන්තකතො සුරක්ඛො

ජිනානුභාවෙන ජිතූපපද්දවො

සංඝානුභාවෙන හතාරි සංඝො

(චරාමි) සද්ධම්මනුභාව පාලිතො

-

18. සද්ධම්ම පාකාර (පරික්ඛිතොස්මි)

අට්ඨාරියා අට්ඨදිසාසු හොන්ති

එත්ථන්තරේ අට්ඨනාථා භවන්ති

උද්දං විතානංව ජිනා ඨිතා(මෙ)

-

19. හින්දන්තො මාරසේනං තව (මම) සිරසා ඨිතො, බෝධිමාරුය්හ සත්ථා

මොග්ගල්ලානොසි වාමේ වසති භුජතටෙ, දක්ඛිණෙ සාරිපුත්තො

ධම්මො මජ්ඣෙ උරස්මිං විහරති භවතො, මොක්ඛතො මොරයොනිං,

සම්පත්තො බෝධිසත්තො චරණයුගගතො භානු ලොකෙකනාථො

-

20. සබ්බාව මංගලමුපද්දව දුන්නිමිත්තං

සබ්බීති රොග ගහදෝසමසෙස නින්දා

සබ්බන්තරාය භය දුස්සුපිනං අකන්තං

බුද්ධානුභාවෙන පවරේන පයාතු නාසං

-

21. සබ්බාව මංගලමුපද්දව දුන්නිමිත්තං

සබ්බීති රොග ගහදෝසමසෙස නින්දා

සබ්බන්තරාය භය දුස්සුපිනං අකන්තං

ධම්මානුභාවෙන පවරේන පයාතු නාසං

-

22. සබ්බාව මංගලමුපද්දව දුන්නිමිත්තං

සබ්බීති රොග ගහදෝසමසෙස නින්දා

සබ්බන්තරාය භය දුස්සුපිනං අකන්තං

සංඝානුභාවෙන පවරේන පයාතු නාසං