- ආකාසානඤ්චායතන ක්‍රියා චිත්තය,
- විඤ්ඤාණඤ්චායතන ක්‍රියා චිත්තය,
- ආකිඤ්චඤ්ඤායතන ක්‍රියා චිත්තය,
- නේවසඤ්ඤානාසඤ්ඤායතන ක්‍රියා චිත්තය,
යන මේ සිත් සතර අරූපාවචර ක්‍රියා සිත් නම් වේ.
මේ චතුර්විධ චිත්තයන්ගේ ආකාරය සාමාන්‍යයෙන් අරූපාවචර කුසල චිත්තයන්ට කී නියා ය. හුදෙක් ඒ කුශල චිත්තය පුහුදුනට හා ශෛක්‍ෂයන්ට උපදී. මේ ක්‍රියා චිත්තයෝ අශෛක්‍ෂ සංඛ්‍යාත රහතන් වහන්සේට පමණක් උපදිත්.
ඒ එසේමැයි. රහතන් වහන්සේ ආකාසානඤ්චායතන සමාපත්තිය ඉපදවූ කල්හි එය ආකාසානඤ්චායතන ක්‍රියා චිත්තය යි කියනු ලැබේ. සෙස්සෙහි ද මෙසේ ය.
“ආලම්බනප්පභෙදෙන චතුධාරුප්පමානසං
පුඤ්ඤපාක ක්‍රියා භෙදා පුන ද්වාදසධා ධීතං”
අරූපාවචර සිත ආලම්බන භේදයෙන් චතුර්විධ ය. කුශල විපාක ක්‍රියා භේදයෙන් යළි දොළොස් වැදෑරුමි.
ප්‍රශ්න
- අරූපාවචර ක්‍රියා සිත් කවරේ ද?
- මේ ක්‍රියා සිත් කවුරුන්ට උපදී ද?
- අරූපාවචර සිත් දොළොස ලැබෙන සැටි ගාථාවකින් දක්වනු.