පුනාං පරං යදා හොමි මච්ඡරාජා මහාසරෙ,

උණ්හෙ සුරිය සන්තාපෙ සරෙ උදකං ඛීයථ

-

තතො කාකා ච ගිඡ්ඣා ච බකා කුලල සෙනකා,

භක්ඛයන්ති දිවා රත්තිං මච්ඡෙ උපනිසීදිය.

-

එවං චින්තෙස’හං තත්ථ සහ ඤාතීහි පීලිතො,

කෙන නුඛො උපායෙන ඤාති දුක්ඛා පමොචයෙ.

-

චින්තයිත්වාන ධම්මත්ථං සච්චං අද්දස පස්සයං,

සච්චෙ ඨත්වා පමොචෙසිං ඤාතීනං තං අතික්ඛයං

-

අනුස්සරිත්වා සද්ධම්මං පරමත්ථං විචින්තයං,

අකාසිං සච්ච කිරියං යං ලොකෙ ධුව සස්සතං

-

යතො සරාමි අත්තානං යතො පත්තො’ස්මි විඤ්ඤුතං,

නාභිජානාමි සඤ්චිච්ච එක පාණම්පි හිංසිතං,

එතෙන සච්චවඡ්ඡේන පප්ජුන්නො අභිවස්සතු

-

අභිත්ථනය පඡ්ජුන්න නිධිං කාකස්ස නාසය,

කාකං සොකාය රන්ධෙහි මච්ඡෙ සොකා පමොචය

-

සහකතෙ සච්චවරෙ පප්ජුන්නො අභිගජ්ජිය,

ථලං නින්නං ච පූරෙන්තො ඛණෙන අභිවස්සථ

-

එවරූපං සච්චවරං කත්වා විරිය මුත්තමං,

වස්සාපෙසිං මහාමෙඝං සච්චතෙජ බලස්සිතො

සච්චෙන මෙ සමො නත්ථි එසා මෙ සච්ච පාරමි.