1. මහාකාරුණිකෝ නාථෝ - හිතාය සබ්බපාණිනං

පූරෙත්වා පාරමී සබ්බා - පත්තෝ සම්බෝධිමුත්තමං

එතේන සච්චවජ්ජේන - හෝතු (මේ)ජයමංගලං

-

2. ජයන්තෝ බෝධියා මූලේ - සක්‍යානං නන්දිවද්ධනෝ

ඒවං මය්හං ජයෝ හෝතු - ජයස්සු ජයමංගලං

-

3. සක්කත්වා බුද්ධරතනං - ඕසධං උත්තමං වරං

හිතං දේවමනුස්සානං - බුද්ධ තේජේන සොත්ථිනා

නස්සන්තු’පද්දවා සබ්බේ - දුක්ඛා වූපසමෙන්තු(මේ)

-

4. සක්කත්වා ධම්මරතනං - ඕසධං උත්තමං වරං

පරිළාහූපසමණං - ධම්මතේජේන සොත්ථිනා

නස්සන්තු’පද්දවා සබ්බේ - භයා වූපසමෙන්තු(මේ)

-

5. සක්කත්වා සංඝරතනං - ඕසධං උත්තමං වරං

ආහුනෙය්‍යං පාහුනෙය්‍යං - සංඝ තේජේන සොත්ථිනා

නස්සන්තු’පද්දවා සබ්බේ - රෝගා වූපසමෙන්තු(මේ)

-

6. යං කිඤ්චි රතනං ලෝකේ - විජ්ජති විවිධා පුථු

රතනං බුද්ධසමං නත්ථි - තස්මා සොත්ථි භවන්තු (මේ)

-

7. යං කිඤ්චි රතනං ලෝකේ - විජ්ජති විවිධා පුථු

රතනං ධම්මසමං නත්ථි - තස්මා සොත්ථි භවන්තු (මේ)

-

8. යං කිඤ්චි රතනං ලෝකේ - විජ්ජති විවිධා පුථු

රතනං සංඝසමං නත්ථි - තස්මා සොත්ථි භවන්තු (මේ)

-

9. නත්ථි මේ සරණං අඤ්ඤං - බුද්ධෝ මේ සරණං වරං

ඒතේන සච්චවජ්ජේන - හෝතු(මේ) ජයමංගලං

-

10. නත්ථි මේ සරණං අඤ්ඤං - ධම්මෝ මේ සරණං වරං

ඒතේන සච්චවජ්ජේන - හෝතු(මේ) ජයමංගලං

-

11. නත්ථි මේ සරණං අඤ්ඤං - සංඝෝ මේ සරණං වරං

ඒතේන සච්චවජ්ජේන - හෝතු(මේ) ජයමංගලං

-

12. සබ්බීතියෝ විවජ්ජන්තු - සබ්බරෝගෝ විනස්සතු

මා(මේ)භවත්වන්තරායෝ - සුඛී දීඝායුකෝ භව

-

13. භවතු සබ්බමංගලං - රක්ඛන්තු සබ්බ දේවතා

සබ්බබුද්ධානු භාවේන - සදා සොත්ථි භවන්තු (මේ)

-

14. භවතු සබ්බමංගලං - රක්ඛන්තු සබ්බ දේවතා

සබ්බධම්මානු භාවේන - සදා සොත්ථි භවන්තු (මේ)

-

15. භවතු සබ්බමංගලං - රක්ඛන්තු සබ්බ දේවතා

සබ්බසංඝානු භාවේන - සදා සොත්ථි භවන්තු (මේ)

-

16. නක්ඛත්ත යක්ඛ භූතානං - පාපග්ගහනිවාරණා

පරිත්තස්සානු’භාවේන - හන්තු මය්හං උපද්දවේ

-

17. යං දුනිමිත්තං අවමංගලඤ්ච

යො චා’ මනාපො සකුණස්ස සද්දො

පාපග්ගහො දුස්සුපිනං අකන්තං

බුද්ධා’නුභාවේන විනාසමෙන්තු

-

18. යං දුනිමිත්තං අවමංගලඤ්ච

යො චා’ මනාපො සකුණස්ස සද්දො

පාපග්ගහො දුස්සුපිනං අකන්තං

ධම්මා’නුභාවේන විනාසමෙන්තු

-

19. යං දුනිමිත්තං අවමංගලඤ්ච

යො චා’ මනාපො සකුණස්ස සද්දො

පාපග්ගහො දුස්සුපිනං අකන්තං

සංඝා’නුභාවේන විනාසමෙන්තු