නමො තස්ස භගවතො අරහතො සම්මා සම්බුද්ධස්ස.
සුණාතු මෙ භන්තෙ සංඝො, අජ්ජුපොසථො පණ්ණරසො. යදි සංඝස්ස පත්තකල්ලං, සංඝො උපොසථං කරෙය්‍ය, පාතිමොක්ඛං උද්දිසෙය්‍ය.
කිං සංඝස්ස පුබ්බකිච්චං? පාරිසුද්ධිං ආයස්මන්තො ආරොචෙථ. පාතිමොක්ඛං උද්දිසිස්සාමි. තං සබ්බේව සන්තා සාධුකං සුණොම, මනසිකරොම, යස්ස සියා ආපත්ති සො ආවිකරෙය්‍ය. අසන්තියා ආපත්තියා තුණ්හී භවිතබ්බං. තුණ්හී භාවෙන ඛො පනායස්මන්තෙ පරිසුද්ධාති වෙදිස්සාමි.
යථා ඛො පන පච්චෙකපුට්ඨස්ස වෙය්‍යාකරණං හොති.
එවමෙවං එවරූපාය පරිසාය යාවතතියං අනුසාවිතං හොති. යො පන භික්ඛු යාවතතියං අනුසාවියමානෙ සරමානො සන්තිං ආපත්තිං නාවිකරෙය්‍ය, සම්පජාන මුසාවාදස්ස හොති. සම්පජාන මුසාවාදො ඛො පනායස්මන්තො අන්තරායිකො ධම්මො වුත්තො භගවතා තස්මා සරමානෙන භික්ඛුනා ආපන්නෙන විසුද්ධාපෙක්ඛෙන සන්ති ආපත්ති ආවිකාතබ්බා, අවිකතා හිස්ස ඵාසු හොති.
උද්දිට්ඨං ඛො ආයස්මන්තො නිදානං තත්ථායස්මන්තො පුච්ඡාමි. කච්චිත්ථ පරිසුද්ධා? දුතියම්පි පුච්ඡාමි. කච්චිත්ථ පරිසුද්ධා? තතියම්පි පුච්ඡාමි. කච්චිත්ථ පරිසුද්ධා? පරිසුද්ධෙත්ථායස්මන්තො, තස්මා තුණ්හී එව මෙතං ධාරායාමීති.
නිදානුද්දෙසො පඨමො